+10 °С
Облачно
Ислам нуры
31 Декабря 2020, 21:00
Хаж аэропортта тамамланған
Башҡортостандан 164 мосолман хаж ҡылырға йыйына, ләкин квота сикле булыуы һәм енәйәт эше буйынса сәйәхәт операторының документтары тартып алыныу сәбәпле, был изге хыял тормошҡа ашмай ҡала. Күңелһеҙ хәлгә тарыусылар араһында стәрлетамаҡтар ҙа бар.
Бер төркөм мосолман әле былтыр уҡ был мәсьәлә менән осраша. Хаж ҡылырға инде остом тигәндә генә уларға квоталар сикләнеү хаҡында хәбәр итәләр. Кемдер был яңылыҡ менән хатта аэропортта таныша. Хажиҙарға аҡсаны кире ҡайтарырға йәки ғибәҙәтте икенсе йылға кисектерергә тәҡдим итәләр. Билеттар “Урал-сервис” сәйәхәт операторынан һатып алынған була. Ләкин бер йылдан һуң да хаж ҡылырға теләүселәр ҡаршылыҡтарға осрай. Был юлы уларҙың паспорттары оператор менән бәйле енәйәт эше арҡаһында тәфтишселәр ҡулына эләккән. Алтмышҡа яҡын кеше документһыҙ ҡалған.
Икенсе йыл рәттән хаждан ҡалыусыларға инде алдағы йылда тәүгеләрҙән булып хажға алып барырға вәғәҙә итәләр.