Кескәй «голливуд» – Үҙебеҙҙә!

Бынан сирек быуат элек Стәрлетамаҡ дәүләт башҡорт драма театры үҙ эшен ҡаҙаҡ драматургы Дулат Исабековтың Вил Ғүмәров тәржемәһендә “Көтөр кешем бар минең” пьесаһын сәхнәләште-реүҙән башлап ебәрә. Репертуар шишмәһенән хәтерҙә уйылған был һүҙҙәр артабан инде коллективтың бар булмышына берегә - Стәрлетамаҡта ғына түгел, бик күп тарафтарҙа уның миҙгелдән-миҙгелгә спектаклдәрен көтөр тамашасыһы бар! Ә ижади мөхит өсөн бынан да юғары баһа юҡтыр. Театрҙың бормалы-бормалы ижад юлы, тамашасыһы алдындағы тоғролоғо һәм башҡа үҫеш баҫҡыстары хаҡында коллективтың художество етәксеһе, Башҡортостандың атҡаҙанған артисы Илһам Ринат улы РӘХИМОВ менән әңгәмә.