ПОГОНЛЫ ДЕЙЕҮҘӘР

БР судтарының берләшкән матбуғат хеҙмәтенән хәбәр итеүҙәренсә, тәртип һаҡсылары, һүҙ ҡуйышып, урындағы бер кешене урлап алып киткән. Улар уны ҡулдары һәм аяҡтары менән туҡмай, шулай уҡ электрошокер ҡуллана, язалау менән янай, 300 мең һум талап итә, әммә улар алдында бурыстары юҡ. Хоҡуҡ һаҡлаусылар зыян күреүсенең телефонын тартып ала, паролде белә һәм уның иҫәбенән 160 мең һум аҡса күсерә. Һуңынан тағы ла 200 мең һум аҡса табыуҙы талап итәләр, ә залогҡа уның паспортын алалар. Үҙ ғүмере өсөн ҡурҡып, ул ризалашырға мәжбүр була. Бынан тыш, фигуранттарҙың береһе ҙур күләмдә ришүәт алыуҙа ғәйепләнә. Ғәйепләнеүселәр үҙҙәре ғәйепле булыуын танымай. Суд уларҙы 11 һәм 12 йылға ҡаты режимлы колонияға 1 миллион һум штраф менән хөкөм итә. Шулай уҡ элекке өлкән лейтенантҡа һәм полиция лейтенантына алдағы 4-5 йылда дәүләт хеҙмәтендә эшләү тыйыла, уларҙы махсус званиеларҙан мәхрүм итәләр.

Фото: Интернет селтәренән алынды.