Бөтә яңылыҡтар
Хәл-ваҡиғалар
15 Август 2019, 13:55

233 ПАССАЖИРЫ БУЛҒАН САМОЛЕТ КУКУРУЗ БАҪЫУЫНА ТӨШКӘН

#Ғәҙәттәнтыш«Урал авиалиниялары» самолеты Жуковский эргәһендәге кукуруз баҫыуына ҡаты посадҡа яһаған. Свердлов өлкәһенең губернаторы Евгений Куйвашев һүҙҙәренсә, А-321 лайнеры шассиһын асмайынса баҫыу өҫтөнә төшөргә мәжбүр булған. Самолетта 226 пассажир һәм 7 экипаж вәкиле булған, улар барыһы ла иҫән ҡалған.


Росавиация Мәскәү эргәһендәге “Жуковский” аэропорты янындағы баҫыуға самолеттың экстрималь рәүештә барып туҡтауын дәлилләне. Ғәҙәттән тыш ваҡиға, лайнерҙың двигателенә ҡоштар барып инеүе менән бәйле, - тип әйтелә матбуғат хеҙмәтендә.


Экипаж U6178 Жуковский-Симферополь рейсы буйынса ҡуҙғалған булған, самолет һауаға күтәрелгән мәлдә уға аҡсарлаҡтар тубы килеп бәрелә. Быға бәйле судноның командиры Дамир Йосупов экстремаль туҡтарға ҡарар итә һәм бының өсөн кукуруз баҫыуын һайлай. Посадка барышында бөтә двигателдәр ҙә һүҙдерелә, шуға күрә самолет янғындан һаҡланып ҡала, ә зыян күргән двигателде экипаж үҙ көсө менән һүндерә алған.


Эльдар ФӘТТӘХОВ.
Читайте нас в