Ашҡаҙар
+19 °С
Болотло
Бөтә яңылыҡтар
Хәл-ваҡиғалар
26 Март 2020, 23:45

МАГНИТОГОРСКТА ЙӘНӘ ГАЗ ШАРТЛАҒАН

Алдан килгән хәбәрҙәр буйынса бөгөн Магнитогорск ҡалаһында күп фатирлы йортта газ шартлауы теркәлгән. Һөҙөмтәлә йорттоң икенсе һәм өсөнсө ҡаттарындағы дүрт фатирҙы ут ялмап алған ине. Әлеге мәлдә Ғәҙәттән тыш хәлдәр министрлығы янғын туҡтатылыуы тураһында белдерҙе. Бөтәһе янғындан 31 кеше ҡотҡарылған, ике кеше һәләк булыуы тураһында хәбәр итәләр. Иҫегеҙгә төшөрөп үткәндә ошондай уҡ хәл Магнитогорск ҡалаһында 2018 йылдың аҙағында теркәлгәйне, ул ҡурҡыныс ваҡиғала 39 кеше һәләк булды.

Әлеге шартлауҙа һәм янғын сығыуҙа тәүге фараздар буйынса кеше факторы тора. Шартлау булған фатирҙың хужабикәһе газын һүндерергә онотҡан булған. Хужабикә иҫән, уны реанимацияға алып киткәндәр. Шартлау ваҡытында йортта өлкәндәр араһында ике бала булған, улар ҙа ҡотҡарылған.
Әлеге мәлдә янғын урынында фатирҙарҙы тикшереү бара, йорттоң конструкцияһына зыян килмәгән.
Читайте нас: