0 °С
Болотло
Бөтә яңылыҡтар
Хәл-ваҡиғалар
7 Апрель 2020, 22:20
Тағы кировта...
Киров өлкәһенең вице-губернаторы Андрей Плитко ҙур күләмдә ришәүәт алыуҙа ғәйепләнеп, ҡулға алынды, тип хәбәр итә төбәктең Хәүеһеҙлек хеҙмәте идараһының матбуғат хеҙмәте. Әйткәндәй, бындай күренештәр әлеге өлкәлә тәүгегә түгел, урман байлығы менәншаярыусыларға бәйле енәйәт эше унда йыш теркәлеп тора. Хатта губернаторҙар ҙа суд эскәмйәһенә ултыра.
Ведомство мәғлүмәттәре буйынса, 2018 йылдың сентябрь һәм октябрь айҙарында Плитко бандиттар төркөмөн булдырған. Төркөмгә үҙенең ышаныслы кешеләрен йәлеп иткән, етәксе шулай уҡ уларҙы министерство һәм ведомстволарҙа эш урындары менән тәьмин иткән. Был төркөм эшҡыуарҙарҙы ҡурҡытып ришәүәт алған, дөйөм сумма 3,4 миллон һум тәшкил итә, тип хәбәр ителә.
Енәйәтсе төркөм ”Кировгослесхоз” өлкә учреждениеһы менән килешеү төҙөү өсөн шәхси эшҡыуарҙар һәм юридик шәхестәрҙән ришәүәт алыу ойошторған. Әлеге мәлдә Плиткоға енәйәт эше ҡуҙғатыу һәм уға ҡарата хөкөм сығарыу эше алып барыла.
Әйткәндәй, Рәсәйҙә ошондай эре түрәләргә бәйле тағы бер нисә енәйәт эше ҡуҙғатылды. Бында иһә ришүәт менән Эске эштәр министрлығының өлкән погонлы офицерҙары шөғөлләнгән.
Новости партнеров