+10 °С
Облачно
Хәл-ваҡиғалар
19 Июня 2020, 11:02
СТӘРЛЕТАМАҠТА ИҪЕРЕК ИР ҮҪМЕР ҠЫҘҘАРҘЫ ТАПАТҠАН
Кисә сәғәт ундар тирәһендә Горький урамында 62 йәшлек ир «Лада Калина» машинаһында юл ситендә китеп барған ике ҡыҙҙы төкәткән.Һигеҙенсе класта уҡыған ҡыҙ ваҡиға урынында уҡ йән биргән, 13 йәшлек икенсе ҡыҙҙы ҡаты йәрәхәттәр менән дауаханаға алып киткәндәр. Билдәле булыуынса ҡыҙҙар балалар майҙансығынан ҡайтып барған булған, өйҙәренә барып етергә өс минутлыҡ ҡына ара ҡалған булған.
Автомобиль менән идара иткән ирҙең иҫерек булыуы асыҡланған, медицина тикшереүенән һуң уның ҡанында 0,838 мг/л спирт тәшкил итеүе билдәләнгән.
«Юл буйлап китеп бара инем, бакалейкаға инеп сыҡтым. Шарап һатым алдым һәм баҡсаға киттем. Дөрөҫөн әйтәм. Руль артында иҫерек инем. Бындай хәл килеп сығыуына үкенәм», тип ваҡиға тураһында аңлата ҡулға алынған водитель.
Ваҡиға буйынса тикшереү башланды, тип хәбәр итә БР ЮХХДИ идараһының матбуғат хеҙмәте.
Фото: https://vk.com/str_za_rulem?w=wall-53272196_588760%2Fall
Новости партнеров
