+30 °С
Болотло
Хәл-ваҡиғалар
25 Июнь 2021, 11:10
Кермәгәс - кермәй бит әй!
Мутлашыусылар Стәрлетамаҡта йәшәүсе ҡатынды 28 мең һумдан ашыу аҡсаһынан яҙҙырғандар. Был хаҡта БР буйынса Эске эштәр министрлығының матбуғат хеҙмәте хәбәр итә.
Ҡатын полицияға ғариза яҙған. Уны ашарға яраҡлы диңгеҙ ҡыҫалаһы (креветка) «һатып» тишек арбаға ултыртҡандар. Башҡортостан Республикаһы буйынса Эске эштәр министрлығы: «Таныш булмаған кешеләргә аҡса күсермәгеҙ. «Банк» хеҙмәткәрҙәренән шылтыратыу булғанда ла – трубканы ташлағыҙ. Иҫегеҙҙә тотоғоҙ, мутлашыусылар алдаҡ номерҙы ла файҙалана ала. Таныштарығыҙҙан шикле хәбәр килгәндә, улар менән шунда уҡ телефон аша бәйләнешкә инегеҙ» тип күпме иҫкәртһә лә, мутлашыусыларҙың тоҙағына эләгеүселәр кәмемәй. Шул тиклем дә мәүеш ауыҙ булырһығыҙ икән! Һуң аҡсаны елгә осорор алдынан әҙерәк булһа ла башты эшләтергә кәрәк бит инде. Ә баш һәр кемгә уйлар өсөн бирелгән…
