“Берҙәм дежур-диспетчер хеҙмәтенә күршеләренән шәхси йортта йәшәгән 70 йәшлек пенсионерҙың туңыу ихтималлығы хаҡында хәбәр килде. Виталий Васильвичтың өйөндә йылытыу системаһы боҙолоп, торбалары туңған булған.
Хәбәрҙе алғас та урынға торлаҡ-коммуналь идаралығы барып, хәлде асыҡланы. Һөҙөмтәлә тиҙ арала ҡала эшҡыуарҙары менән берлектә был йортта йылытыу системаһы тулыһынса алмаштырылды.
Кешеләрҙең иғтибарлығы һәм битарафһыҙлығы ярҙамында олатай йылы йортта йәшәйәсәк!”, - тип яҙа Рөстәм Фәрит улы үҙенең сәхифәһендә.