Тәүлек эсендә республикала ҡоро үлән яныуҙың 30-ҙан ашыу осрағы теркәлгән

«2023 йылдың башынан дөйөм майҙаны 221,6 гектарҙа ҡоро үләнгә ут тоҡаныуҙың 255 осрағы теркәлгән», — тип белдерҙе ҡотҡарыусылар.

Бөгөн, 11 апрелдә, Башҡортостандың дәүләт урман фонды биләмәһендә 1-се, 2-се, 3-сө һәм 4-се класлы янғын хәүефе фаразлана.

Башҡортостандың 24 районында өсөнсө, йәки уртаса класлы янғын хәүефе көтөлә. Улар араһында — Әлшәй, Асҡын, Баҡалы, Бәләбәй, Балаҡатай, Бөрө, Бүздәк, Дыуан, Дүртөйлө, Йылайыр, Иглин, Илеш, Ҡариҙел, Кушнаренко, Мәләүез, Стәрлебаш, Стәрлетамаҡ, Туймазы, Учалы, Федоровка, Саҡмағош, Шишмә, Яңауыл райондары һәм Өфө ҡала округы.

Бөгөн Архангел районы урмандарында дүртенсе, йәки юғары класлы янғын хәүефе фаразлана.

Башинформ.