МУТЛАШЫУСЫЛАР ҠАРМАҒЫНА ЭЛӘКМӘГЕҘ!

26 йәшлек өфөлө «почта хеҙмәткәрҙәре» нән популяр мессенджерҙа шылтыратыу алды, улар заказ хатын алырға тәҡдим итте. Тиҙҙән мутлашыусылар легенданы үҙгәртәләр: уның дәүләт хеҙмәттәрендәге аккаунтын взломать итеү тураһында белдерәләр һәм Үҙәк банк хеҙмәткәрҙәре булып танышып, 300 мең һумды «хәүефһеҙ иҫәпкә»күсерергә күндерәләр. Стәрлетамаҡта йәшәүсе 34 йәшлек ҡатын шундай уҡ схема менән осрашты. Был юлы зыян суммаһы тағы ла күберәк булып сыҡты  - 450 мең һум. Октябрьскийҙан 63 йәшлек ҡатынды «түләнмәгән пенсия түләүҙәрен»  вәғәҙә итеп алдағандар. Түләүҙәрҙе рәсмиләштереү һылтауы менән мутлашыусылар уны экранды күрһәтеүҙе  һәм смс-тан кодты әйтергә мәжбүр итә. Һөҙөмтәлә уның иҫәбенән 760 мең һум аҡса юғала. Сибайҙа йәшәгән 68 йәшлек ҡатын өс көн рәттән мутлашыусыларҙан шылтыратыуҙар алған. Тәүҙә улар үҙҙәрен Энергия һатыу хеҙмәткәрҙәре тип таныштыра һәм счетчикты алмаштырырға тәҡдим итә. Һуңынан уның банк аккаунттарында «алдау операциялары» тураһында белдерәләр һәм, элекке осраҡтарҙағы кеүек, СМС-кодтар ярҙамында 450 мең һум аҡсаһын күсертәләр.

Башҡортостан Республикаһы буйынса  Эске эштәр  министрлығы иҫкәртә:  бер  ҡасан да сит кешеләргә СМС-хәбәрҙән  кодтар, паролдәр һәм банк карталары мәғлүмәттәрен хәбәр итмәгеҙ. Сит кешеләрҙең үтенесе буйынса экранды күрһәтеүҙе ҡуҙғатмағыҙ -  был уларға һеҙҙең финанстарығыҙға инеү мөмкинлеген бирә. Мәғлүмәтте тикшерегеҙ - рәсми хеҙмәттәргә (банк, почта, энергия Һатыу) уларҙың сайттарынан һандар буйынса шылтыратығыҙ. Паникаға бирелмәгеҙ - мутлашыусылар йыш ҡына хис-тойғоларға баҫым яһай, шуға күрә һеҙ ашығыс ҡарар ҡабул итәһегеҙ. Мутлашыусылар ҡармағына эләкмәгеҙ!

Римма ҒӘЛИМОВА.

Фото: интернеттан алынды.