+18 °С
Облачно
Хәтер
10 Июня 2020, 17:42
Башҡортостандың халыҡ артисы Ғәли Хәмзинға арналған китап донъя күрҙе
Башҡортостандың халыҡ артисы, Салауат Юлаев исемендәге дәүләт премияһы лауреаты Ғәли Хәмзингә оҙаҡламай 70 йәш тулған булыр ине.
Күптән түгел Белорет районы Ҡоҙғон-Әхмәр ауылында тыуған мәшһүр йырсының балалыҡ дуҫтары, туғандары уның бөтә тормошона арналған китап баҫтырып сығарған. Уның төҙөүсеһе – Фәрит Шәйәхмәтов. Бында Ғәли Хәмзиндең тыуғандан алып һуңғы көнөнә тиклем ижади тормош юлы күрһәтелә. Ошондай китап сығарыу- яратҡан йырсыбыҙҙың исемен мәңгеләштереүгә яһалған аҙымдарҙың береһе.
Әйткәндәй, мәшһүр йырсының тыуған ауылындағы мәҙәниәт йорто, үҙешмәкәр йырсыларҙың конкурсы уның исемен йөрөтә. Миннеаполис ҡалаһы халҡы (АҠШ-тағы Миннесота штаты) йырсының һәләтен танып, уны ҡалаларының почётлы гражданины итеп һайлаған. Шулай уҡ үлгәндән һуң Белорет ҡалаһы һәм районының почётлы гражданины тигән исем бирелгән.