Ашҡаҙар
+21 °С
Болотло
Бөтә яңылыҡтар
Халыҡты нимә борсой?
19 Ноябрь 2022, 10:00

“Квартплата”ны комиссияһыҙ түләп була

Торлаҡ-коммуналь хужалыҡ (ТКХ) ГИС-ы тип аталған системала әле үк республиканың 140 меңдән ашыу кешеһе теркәлгән, ә тотош ил буйынса – биш миллиондан ашыу. Уның ярҙамында кеҫә телефоны аша бихисап мәшәҡәттәрҙе хәл итергә була. Шул иҫәптән, торлаҡ-коммуналь хужалыҡ хеҙмәттәре өсөн түләүҙәрҙе комиссияһыҙ, өйҙән генә башҡарырға мөмкин.

“Квартплата”ны комиссияһыҙ түләп була
“Квартплата”ны комиссияһыҙ түләп була

Замана технологиялары менән ҡулланыу һәр ваҡыт отошло, сөнки үҙеңдең шәхси кабинетыңда бар мәғлүмәт теркәлә, уға ҡушылыусылар һаны артһа, был система тағы ла алға үҫешәсәк. Әлегә был ҡушымта ярҙамында электр энергияһы, һыу, газ, йылылыҡ, капремонт өсөн түләргә, эҫе һыуҙы ҡасан һүндерәсәктәрен, йортҡа капиталь ремонтлау ваҡытын белергә мөмкин.
Әгәр идарасы компания ихатаны йыйыштырмаһа, торбаларҙы төҙәтмәһә йәки башҡа төрлө бурыстарын үтәмәһә, ҡыйыу рәүештә мөрәжәғәт яҙығыҙ. Бындай мөрәжәғәтте ошо система аша ла ебәрергә мөмкин. Мәсьәлә артабан да хәл ителмәһә, тикшереү органдарына хәбәр итегеҙ. Был – һеҙҙең хоҡуҡ, сөнки хеҙмәтләндереү өсөн аҡса түләйһегеҙ. ТКХ ГИС-ы (Торлаҡ-коммуналь хужалығының дәүләт мәғлүмәт системаһы) сервисының интернеттағы адресы: dom.gosuslugi.ru. Уңайлы булһын өсөн телефонығыҙға ҡушымтаны күсереп алығыҙ. Айырым теркәлергә кәрәкмәй, “Дәүләт хеҙмәттәре”ндәге раҫланған яҙма аша инә алаһығыҙ.

“Квартплата”ны комиссияһыҙ түләп була
“Квартплата”ны комиссияһыҙ түләп була
Автор:Эльдар Фаттахов
Читайте нас: