Бөтә яңылыҡтар
Хужабикәгә ярҙамға
22 Ғинуар 2020, 16:05

Хәтәр тәмле ләүеш!

Хәтерегеҙҙәме, элек беҙ бала саҡта әсәйҙәр ауыл мейесендә тәмле-тәмле ләүештәр бешерә торғайны. Хәҙер мин һеҙгә бик шәп бер рецепт тәҡдим итәм, ләүеш шул тиклем тәмле килеп сыға - “телеңде йоторлоҡ”!. Бешереп ҡарағас, үҙегеҙ күрерһегеҙ.

Ҡамыр баҫыу өсөн: 400 г он, 120 г маргарин, 100 г шәкәр, 2 йомортҡа, бер балғалаҡ йомшартҡыс; эслек өсөн: 250 г еләк; өҫтөн йөҙләү өсөн: 200 г ҡаймаҡ, 100 г шәкәр, 2 йомортҡа, ике ҡалаҡ он кәрәк буласаҡ.

Әҙерләү ысулы:
Башта йомортҡаны шәкәр менән ҡушып туғыйбыҙ. Маргаринды иретеп бер аҙ һыуытырға ҡуябыҙ. Шунан йомортҡа менән бергә ҡушып бутайбыҙ. Йомшартҡысты онға һибеп йомшаҡ ҡына итеп ҡамыр баҫабыҙ ҙа һыуытҡысҡа ҡуйып торабыҙ. Ләүештең өҫтөн йөҙләү өсөн йомортҡаны шәкәр менән ҡушып туғыйбыҙ.
Ҡамырҙы табаға йәйеп һалабыҙ ҙа өҫтөнә еләк түшәйбеҙ һәм өҫтөн туғылған шәкәрле йомортҡа менән йөҙләйбеҙ.
Ләүеш духовкала (200 градус С), 35 минутта бешеп сыға.
Ләүештәрегеҙ тәмле булһын!
Р.САФИНА.

Читайте нас в