Иң мөһиме - ул артыҡ татлы булмаһын. Иң шәбе - кипкән еләк-емештән әҙерләнгәне. Шулай уҡ мүк еләгенән яһалған морс менән гөлйемеш һыуы ла тамаҡ кибеүен баҫа. Әгәр һыуға лимон киҫәге өҫтәһәң (йәки башҡа цитрус емеш), һыуға ҡарағанда, сарсау тиҙерәк баҫыла.
Сейәнән компот өсөн 2 стакан һыу, 300 г. сейә, 1 стакан шәкәр ҡомо, 3 бөртөк ҡәнәфер кәрәк.
Сейәне йыуырға, һөйәгенәнн айырырға. Һөйәген һыуға һалып ҡайнатырға, һыуын ғына айырып алырға ла уға шәкәр ҡомо менән ҡәнәферҙе ҡушып, ҡайнатып сығарырға. Ошо сиропты сейәгә һалып, ҡаплап ҡуйырға. Һыуынғандан һуң компотты һыуытҡысҡа ҡуйырға кәрәк.
Эҫелә тамаҡ кибеүҙән һаҡлаусы шәп эсемлек. Өҫтәүенә, ул ҡара сәйҙән айырмалы булараҡ, бәүелде ҡыуҙырмай. Йәшел сәй ҡаты яһалмаҫҡа тейеш.
Ҡатыҡтан йәки ҡороттан айран һыулап эсһәң,тамаҡ та туя, һыуһын да ҡана. Тик ул быуынға төшә.
Эҫелә организмға кәрәкле натрийҙы күп юғалтабыҙ. Ә бына бер шешә минераль һыу уны тултырырға һәм сарсауҙы баҫырға ярҙам итә.
Һыуһынды яҡшы ҡандыра. Иң һәйбәте — икмәк һәм сәй кеүәҫе. Уның яңы яһалғаны, артыҡ шәрбәтле булмағанын алырға тырышығыҙ.
Шәкәре күп булыу арҡаһында газлы һыу һыуһынды насар ҡандыра.
Ниндәй генә эсемлек эсһәк тә, шифаһы булһын. Һау-сәләмәт булайыҡ!