+30 °С
Болотло
Мәғариф
11 Июнь 2021, 12:05
Стәрлетамаҡта 15 мәктәп яны лагеры эш башланы
Стәрлетамаҡта 15 белем биреү учреждениеһында йәйге каникулдар ваҡытында мәктәп янынындағы лагерҙарҙа 2469 бала ял итә башланы, тип хәбәр итәләр ҡала мәғариф бүлегенән. Балаларға унда Фән һәм технологиялар йылына, Сәләмәтлек һәм әүҙем оҙон ғүмерлелек йылына һәм Стәрлетамаҡтың 255 йыллығына арналған конкурстар, викториналар, квестар, спорт ярыштары, оҫталыҡ дәрестәре уҙғарыла.
7 июндә 31-се мәктәптә балаларға көндөҙ ял итеү өсөн «Космик сәйәхәт» тип аталған йәйге һауыҡтырыу лагеры асылды. Балалар был көндө «Күңелле старттар»ҙа ҡатнашты. 8 июндә «Ҡарға ояһы» турбазаһында саралар ойошторолдо.
33-сө мәктәп балалары «Йәшел планета» хеҙмәт һәм ял лагерында һаулығын нығыта. 7-се һәм 8-се класс уҡыусылары мәктәп яны биләмәһен төҙөкләндереү менән мәшғүл.
Шулай уҡ көндөҙгө «Баласаҡ» ял лагеры ла үҙ ишектәрен асты. Көндөҙгө «Пилигрим» лагеры программаһы нигеҙендә Ағиҙел йылғаһы буйлап, Ирәмәл тауында, Шулгәнташ тәбиғәт ҡурсаулығында, Йомағужа һыуһаҡлағысы һәм «Көнгәк» ҡурсаулығында туҡталыш менән, виртуаль экскурсия ойошторола.
Ыңғай санитар-эпидемиологик һөҙөмтәләр алғандан һуң, шулай уҡ башҡа белем биреү ойошмалары ҡарамағындағы көндөҙгө ял һәм хеҙмәт лагерҙарын да асыу планлаштырыла.
Р.ЗАМАНОВА.
