Депутаттар уҡытыусыларға бюрократик йөкләмәне кәметте

Шулай уҡ «Мәғариф тураһында»ғы төп законға төҙәтмәләр индерелде. Был саралар педагогтарҙың бюрократик эшен кәметеүгә йүнәлтелгән, тип хәбәр итте Дәүләт Йыйылышы рәйесе Константин Толкачев Борай районында уҙған уҡытыусылар кәңәшмәһендә.

Депутаттар йыш ҡына уҡытыусыларҙың ҡағыҙ эшенә күп ваҡыт сарыф итеүе тураһында ялыуҙар килгән: документтар, контроль формалары, анкеталар тултыра, һорау алыуҙар үткәрә һәм башҡалар.

Халыҡ-ара тикшеренеүҙәргә ярашлы, Рәсәй педагогы аҙнаһына 46 сәғәт эшләй, шуның 15 сәғәте пландар һәм отчеттар төҙөүгә китә. Донъялағы 36 илдең белем биреү программалары араһында беҙҙеке ныҡ бюрократлаштырылған.

«Төрлө социологик тикшеренеүҙәр һөҙөмтәләре буйынса уҡытыусылар тултырған документтарҙың 49-ҙан ашыу төрө асыҡланған. Һорауға яуап биргән уҡытыусыларҙың 67% юғары документ йөкләмәһенең хәл ителмәгән мәсьәлә булып ҡалыуын дәлилләй»,  — тип билдәләне республика парламенты спикеры.

Башинформ.