«Башҡортостандың йыл уҡытыусыһы» конкурсы башланды

Ҡатнашыусылар өсөн конкурс һынауҙары 10 мартта «Педагогик оҫтахана» конкурсынан башланды, бәйгеселәр уҡытыу һәм тәрбиә биреү мәсьәләләрендә методик компетентлығын һәм тәжрибәһен күрһәтте. Һәр кем дистанцион технологиялар ярҙамында реаль ваҡыт режимында үҙенең педагогик асыштары, дәресте онотолмаҫлыҡ, файҙалы һәм мауыҡтырғыс итеп үткәрергә ярҙам иткән алымдары менән уртаҡлашты.

Конкурсанттарҙы алда оҫталыҡ, асыҡ дәрестәр көтә. Конкурс марафоны матбуғат конференцияһы менән тамамлана.

Республика Мәғариф министрлығының матбуғат хеҙмәтенән хәбәр итеүҙәренсә, еңеүселәрҙең исемдәре 24 мартта «Торатау» конгресс-холында конкурсты ябыу тантанаһында иғлан ителә.

Башинформ.