Роспотребнадзорҙа мәктәп ашханаларында порция нормаларын атанылар

Улар баланың йәшенә ҡарап иҫәпләнә. Әйтәйек, 7-12 йәшлек баланың иртәнге ашы - 500 (төшкө аш - 700), 12 йәштән өлкәнерәктәрҙең 550 грамм (төшкө аш - 800) булырға тейеш. 7-12 йәшлек балалар өсөн тәүлеклек энергетик ҡиммәт - 2350 ккал, 12 йәштәгеләр һәм унан өлкәнерәктәр өсөн - 2720 ккал.

Яңыраҡ «Башинформ» яңы уҡыу йылында уҡыусылар өсөн ике яңы меню әҙерләүҙәре хаҡында яҙғайны. Унда дөрөҫ туҡланыу принциптары, нутрициологтар һәм диетологтарҙың кәңәштәре иҫәпкә алынған. Уҡыусыларға алма чипсылары, томат соусындағы фрикаделькалар, һыйыр итенән купаттар, балыҡ фишболдары тәҡдим ителәсәк.

https://bash.bashinform.ru/news/social/2023-08-29/rospotrebnadzor-a-m-kt-p-ashhanalarynda-portsiya-normalaryn-atanylar-3411344