Чемпионат барышында командалар ябай хәрәкәтте ҡатмарлы рәүештә башҡарған ҡоролмаларҙы проектлап йыйыр4а тейеш ине. Һәр машинаның нигеҙендә «домино» принцибы ята: төрлө деталдәр үҙ-ара тәьҫир итешеп, алдан уйланған һөҙөмтәгә килтерә. Конструкция өсөн бөтәһенә лә стандарт материалдар йыйылмаһы бирелә.
Задание өс этаптан тора: Голдберг машинаһын проектлау, уйлап табыуҙы үҙенең остаз-модераторҙары алдында яҡлау һәм артабан иң ҡатмарлыһы - уны эшләтеп ебәреү. Ҡоролма билдәләнгән ваҡыт эсендә, кәрәкле һанда звенолар менән, билдәләнгән задание буйынса өҙлөкһөҙ эшләргә тейеш.
– *Һөҙөмтәлә беҙҙең машина катапульт ярҙамында шарҙы хәрәкәткә килтерергә һәм уның импульс көсө арҡаһында шарҙы бейегерәк һикерергә мәжбүр итергә тейеш, – тип аңлатты 153-сө лицейҙың өлкән класс уҡыусыһы Савва Әхтәмов.
Өфө дәүләт иҡтисад һәм сервис университетының евразия политехник мәктәбе был чемпионатты бишенсе тапҡыр уҙғара һәм быйыл уны машиналар эшләүселәр Союзының юбилейына арнаны.