Һәр дәрескә дөрөҫлөк, ярҙамсыллыҡ, татыулыҡ һымаҡ рухи ҡиммәттәр һалына ине

Тәнзилә Батталовна Байғотлина, Элеонора Рөстәмбәковна Ширяева, Рабиға Хәмитовна Ибраһимова, Зарифа Шәрифулловна Ҡотлоғужина, Мәүрүрә Ғәлиевна Әбдрәхимова, Тәнзилә Зәйнулловна Зәйнуллина, Гәүһәр Фарруховна Йосоповаларҙың дәрестәре бик тәрән, фәһемле, көслө булғанын йәшәй-йәшәй аңлайһың. Тәрбиәселәребеҙ Әлфиә Миңлеғоловна, Зыяф Сәмиевич Түләбаевтарҙың түҙемле, итәғәтле, мөләйем холоҡтарын һағынып иҫкә алам. Хөрмәтле уҡытыусыларыбыҙҙың мәрхүм булғандары беҙҙән риза булһындар, иҫәндәренә ныҡлы һаулыҡ, бәхетле ҡартлыҡ теләйем.