-5 °С
Болотло
Бөтә яңылыҡтар
Милләттәштәр төйәк иткән ерҙә
23 Октябрь 2019, 22:03
Силәбе ҡалаһында Башҡорттар йорто барлыҡҡа килеүе ихтимал
Силәбе ҡалаһында Башҡорттар йорто барлыҡҡа килеүе ихтималУтыҙ меңгә яҡын башҡорт йәшәгән Силәбе ҡалаһындағы милли кафела Башҡорттар йорто барлыҡҡа килеүе ихтимал. Был хаҡта «Башинформ» агентлығына «Уралым» гәзитенең баш мөхәррире Нурия Иҡсанова хәбәр итте.
Башҡорт аш-һыуы кафеһын асыу ысын байрамға әүерелде. Тантанаға Силәбенән, өлкә райондарынан һәм күрше Башҡортостандан халыҡ йыйылды. Кафеға уның хужабикәһе Рита Хөсәйенованың әсәһенең тыуған төйәге – Ҡоншаҡ районының Ҡунаҡбай ауылы хөрмәтенә «Бай ҡунаҡ» тигән исем биргәндәр.
Башҡортостандың Силәбе өлкәһендәге вәкиле Амур Хәбибуллин сараны Көньяҡ Урал башҡорттары тарихында әһәмиәтле ваҡиға тип атаны. Ул кафела башҡорт ризыҡтарын һатыу, республика тауар етештереүселәрен йәлеп итеү тәҡдимен индереп, хужабикәһенең барлыҡ башланғыстарына ярҙам күрһәтергә әҙер булыуын әйтте.
Сара ҡунаҡтары башҡорт кафеһын үҫтерергә ярҙам итергә теләк белдерҙе. Атап әйткәндә, продюсер үҙәге директоры Илдар Хөснөтдинов бында милли дискотекалар үткәрергә әҙер. Асылған көндә ул үҙенең командаһы менән байрам концерты әҙерләне.
«Башҡорт һылыуҡайы» конкурсы лауреаты Румия Минһажева бында селтәр эшләү буйынса оҫталыҡ дәрестәре ойошторорға ниәтләй. Ҡоншаҡ районы Ҡаҙаҡбай ауылынан Рәмзиә Әхмәтова кафела башҡорт ҡатын-ҡыҙҙары осрашыуҙарын уҙғарырға уйлай.
Рита Хөсәйенова һөйләүенсә, бөгөн менюҙа бишбармаҡ, йыуаса (майҙа ҡыҙҙырып бешерелгән ҡамыр ризығы), өлөш, туҡмас кеүек башҡорт аш-һыуы бар. Күпмелер ваҡыттан һуң йылҡы итенән деликатестар, милли эсемлектәр — буҙа һәм ҡымыҙ, башҡорт балы булыр тип күҙаллана.
Сарала ҡатнашыусылар кафе теләгән һәр кем үҙенең ижади ҡеүәтен аса алған «Башҡорттар йорто» исеменә дәғүә итә тигән фекер белдерҙе.
Читайте нас:
© 1990 - 2024 «Ашҡаҙар» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.
Баш мөхәррир
Мансуров Рәмил Ғәбдрәшит улы.
Телефон
Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73
Электрон почта
Адресы
453124, РБ, г. Стерлитамак, ул. Комсомольская, 82
Реклама хеҙмәте
(347) 325-18-57
Редакция
(347) 325-18-57
Ҡабул итеү бүлмәһе
(347) 325-18-57
Хеҙмәттәшлек
(347) 325-18-57