Бөтә яңылыҡтар
Милли проекттар
11 Июль 2019, 10:15

Ура! Яңы спорт объекты асыла

Ура! Яңы спорт объекты асыла Өфөлә спорттың 49 төрө буйынса әҙерләү үҙәге үҙенең ишектәрен аса. Ул республиканың иң ҙур спорт объекттарының береһе буласаҡ.

Үҙәк Халыҡтар дуҫлығы проспектында урынлашҡан, уның майҙаны - 40 мең квадрат метр. Башҡортостан Башлығы вазифаһын ваҡытлыса башҡарыусы Радий Хәбиров был турала үҙенең социаль селтәрҙәге сәхифәһендә лә яҙып сыҡты.
– Яңыраҡ аҙнаһына ике тапҡыр футбол уйнау өсөн майҙан табырға теләгәйнек, тик бер тапҡыр уйнау өсөн генә урын таптыҡ. Буш ваҡыт юҡ... Халыҡ-ара балалар уйындарын асыуға, баш ҡалала яңы объект асабыҙ, – тип яҙҙы ул. – Бында 40000 квадрат метр майҙанда 4 бассейн бар, залдар, 13 гектар ере. Бер һүҙ менән әйткәндә, спорттың 49 төрө менән шөғөлләнер өсөн бөтә шарттар ҙа тыуҙырылған. Уның хаҡы – 3,3 миллиард һум һәм ул быға торошло. Спорт көндән-көн заман кешеһе тормошонда мөһим роль уйнай бит.
Автор: Әлфиә МИНҒӘЛИЕВА.
Читайте нас в