Бөтә яңылыҡтар
Милли проекттар
2 Август 2019, 09:50

Тыуымды арттырыу өсөн ғаиләлә беренсе бала өсөн дә әсәлек капиталы булырға тейеш

Республика Хөкүмәтендә беренсе ярты йыллыҡта Башҡортостандың социаль-иҡтисади үҫеш күрһәткестәре ҡаралды. Унда демография һәм тыуымды арттырыу мәсьәләләренә айырым иғтибар бирелде. Башҡортостан Фәндәр академияһы академигы Фәнил Фәйзуллин әйтеүенсә, ғаилә сәйәсәте ғәмәлдә алып барылырға тейеш. Шулай уҡ, иҡтисад белгесе Илдар Ғәбитов фекеренсә, дәүләт яғынан ғаиләгә һәр яҡлап ярҙам булған осраҡта, тыуым да артасаҡ.

Ултырышта Республика етәксеһе Радий Хәбиров тыуым кәмеүен, төрлө ауырыуҙарҙан үлеү һәм юл-транспорт фажиғәләре сәбәптәрен ентекле өйрәнергә ҡушты. Медицина фәндәре докторы Мәхмүзә Ғәйнуллина халыҡтың һаулығын яҡшыртыу буйынса программа булдырырға һәм профилактикаға иғтибарҙы арттырырға кәрәк, тип иҫәпләй.
“Демография” милли проектында тыуымды арттырыу һәм медицина ярҙамы сифатын яҡшыртыу буйынса саралар ҡаралған. Ғаиләләргә матди ярҙам арта, дауаханаларҙа яңы ҡорамалдар ҡуйыла. Шулай ҙа был өлкәгә һәр ваҡыт иғтибар буласаҡ.
Читайте нас в