Ашҡаҙар
+16 °С
Болотло
Бөтә яңылыҡтар
Милли проекттар
31 Декабрь 2019, 10:00

Өфөгә осоу өсөн 40 минут ваҡыт етә

#миллипроекттар,#төбәк проекттарыБашҡортостан Республикаһы Хөкүмәтендә уҙғарылған оператив кәңәшмәлә 2020 йылдың июленә тиклем санитария авиацияһының тағы ла һигеҙ вертолет майҙансығын төҙөү һәм урынлаштырыу тураһында һүҙ алып барылды.

“Майҙансыҡтар “Һаулыҡ һаҡлау” милли проекты сиктәрендә киләһе йылдың икенсе яртыһынан файҙаланыуға тапшырыласаҡ”, - ти БР һаулыҡ һаҡлау министры Максим Забелин. Уның һүҙҙәре буйынса, Өфөлә Республика клиник перинаталь үҙәге биләмәһендә шундай бер майҙансыҡ асылған да инде.
Июль айында Стәрлетамаҡ, Нефтекама, Асҡын, Баймаҡ (Сибай), Мәсәғүт, Белорет һәм Өфөлә яңы майҙансыҡтар төҙөлөргә тейеш. Әйткәндәй, пациенттарҙы Өфөгә вертолетта алып барыу ваҡытты бер аҙ экономияларға мөмкинлек бирәсәк. Мәҫәлән, Стәрлетамаҡтан Өфөгә вертолетта осоу өсөн 40 минут ваҡыт етә, Сибай һәм Баймаҡтан – 1 сәғәт 40 минут, Белореттан 1 сәғәт 30 минутта килеп етергә мөмкин.

Фото: Башинформ.

Читайте нас: