Ашҡаҙар
+19 °С
Болотло
Бөтә яңылыҡтар
Милли проекттар
12 Февраль 2020, 10:30

Социаль әһәмиәтле 47 объект сафҡа индереләсәк

Республика Башлығы Радий Хәбиров үткәргән "Төҙөлөш сәғәте" форматындағы кәңәшмәлә социаль әһәмиәттәге объекттарҙы тѳҙѳү планы тикшерелде.

Ул һәр объект буйынса хәлде ентекләп ѳйрәнеү һәм раҫлауға әҙер график тәҡдим итеү өсөн 31 мартҡа тиклем ваҡыт бирҙе. Радий Хәбиров билдәләүенсә, атап үтелгән датанан һуң ваҡытты кисектереү булмаясаҡ. Быйыл социаль әһәмиәтле 47 объект ҡалҡып сығырға тейеш, шул иҫәптән 27-һе - “Мәғариф” милли проектына ярашлы төҙөлә. 4 объект "Мәҙәни мөхит" төбәк проекты сиктәрендә һәм 12 спорт объекты төҙөү күҙаллана.
Оҙаҡламай Ѳфѳ районындағы Чесноковка ауылында 640 урынға тәғәйенләнгән мәктәп файҙаланыуға тапшырыласаҡ. Туймазыла 260 урынлыҡ балалар баҡсаһы тѳҙѳлә. Республикала тағы ла 16 мәктәпкәсә учреждениеға нигеҙ һалына. Шул иҫәптән Стәрлетамаҡта ла өс балалар баҡсаһы быйыл файҙаланыуға тапшырыласаҡ. Ә Нефтекама ҡалаһында – 1 225 һәм Ѳфѳнѳң Булгаков ауылында 825 урынға иҫәпләнгән мәктәптәр тѳҙѳләсәк.

Һаулыҡ һаҡлау өлкәһенә килгәндә, быйыл Республика клиник онкология диспансерының яңы корпусы асыла һәм Октябрьскийҙа 1-се ҡала дауаханаһының хирургия блогы реконструкциянан һуң эш башлаясаҡ. Шулай уҡ Салауат ҡалаһында яңы дауахана сафҡа индереләсәк. Ә “Мәҙәни мѳхит” тѳбәк проекты буйынса ѳс объект файҙаланыуға тапшырыласаҡ.

#нацпроекты#регпроекты#проектыБашкортостана

Фото: pravitelstvorb.ru
Читайте нас: