Ашҡаҙар
+16 °С
Болотло
Бөтә яңылыҡтар
Милли проекттар
18 Март 2020, 10:30

Бер юлы ике фельдшер-акушерлыҡ пункты асылды

#миллипроекттар#төбәкпроекттары#Башҡортостанпроекттары“Һаулыҡ һаҡлау” милли проектын тормошҡа ашырыу сиктәрендә Мәсетле районында бер юлы ике фельдшер-акушерлыҡ пункты асылды: Кесе Ыҡтамаҡ һәм Түбәнге Бобин ауылдарында.

- Бындағы фельдшер-акушерлыҡ пункттары бер төрлө проект буйынса төҙөлгән, - тип хәбәр итәләр БР Һаулыҡ һаҡлау министрлығының матбуғат хеҙмәтенән. - Уларҙың һәр ҡайһыһында фельдшер һәм процедура, акушер, санитар-көнкүреш бүлмәләре бар. Унда һыуыҡ һәм йылы һыу, канализация, электр уты, елләтеү системаһы үткәрелгән.

Яңы асылған фельдшер-акушерлыҡ пункттарында йәш белгестәр – ирле-ҡатынлы Сальмаевтар эшләйәсәк. Улар Мәсетле районына “Ауыл табибы” программаһы буйынса эшкә килгән.

БР Һаулыҡ һаҡлау министрлығынан белдереүҙәренсә, 2020 йылда республикала 72 авария хәлендәге ФАП-тарҙы яңыртасаҡтар.

Фото: БР Һаулыҡ һаҡлау министрлығының матбуғат хеҙмәтенән.

Читайте нас: