+21 °С
Дождь
Милли проекттар
2 Июля 2020, 05:25
СТӘРЛЕ ЕГЕТЕ ЯҢЫ ТЕХНОЛОГИЯЛАРҘЫ БАШҠОРТ ТЕЛЕНӘ «ӨЙРӘТӘ»
Илдар Кинйәбулатов – билдәле интернет ҡушымталары авторы.Стәрлетамаҡ йәштәр һәм йәшлек ҡалаһы исемен бер ҡасан да юғалтмаҫ кеүек. Йылдан-йыл был фекерҙе дәлилләп, Стәрлетамаҡта уҡып, йәшәп киткән йәштәр үҙ исемдәрен йәмғиәттә танытып тора. Шундайҙарҙың береһе – Илдар Кинйәбулатов, уны беҙ интернет технологияларын файҙаланып, башҡорт телен компьютер һәм интернет технологияларына индереүсе (беркетеүсе) йәш энтузиастарҙың береһе тип беләбеҙ. Әгәр ҙә Билл Гейтс үҙенең технологиялары менән бөтә донъяға тәьҫир итерҙәй үҙгәрештәр индерһә, Илдарҙы, уның менән сағыштырып, башҡорт мөхитенә мөһим үҙгәрештәр индереүсе тиһәк, бер ҙә яңылышмаҫбыҙ. Сөнки “Бәйләнештә” селтәренә башҡортса интерфейс индереү, Android һәм Мac OS операцион системаларына башҡортса клавиатура булдырыу, “Башҡорт радиоһы” ҡушымтаһын сығарыу һәм башҡа проекттарҙың авторы ул. Яңы өлкәлә үҙенә һөнәр табып, башҡорт халҡы өсөн хеҙмәт иткән яҡташыбыҙ менән бәйләнешкә индек һәм ҡайһы бер һорауҙарға яуаптар алдыҡ. Уларҙы һеҙҙең иғтибарға ла тәҡдим итәбеҙ.#нацпроек #миллипроект #хеҙмәт #технологиялар
Компьютер менән кеше араһындағы аралашсы
– Стәрлетамаҡ менән һеҙҙе нимә бәйләй, ҡайтып йөрөйһөгөҙме?
– Мин Стәрлетамаҡта тыуып үҫтем. Беҙ Гоголь урамында йәшәнек. 9-сы синыфҡа тиклем 21-се мәктәптә башҡорт класында уҡыным, һуңынан 2-се гимназияға күстем. Стәрлетамаҡҡа бик йыш ҡайтып йөрөмәһәм дә, ҡаланы яҡшы
беләм, яңылыҡтарын күҙәтеп барам. Стәрлетамаҡ эргәһендә урынлашҡан Торатау, Йөрәктауға ғаиләм менән йыш ҡына ял итергә барабыҙ, ике йәшлек улым да тауҙарға барырға ярата.
– Яңы технологиялар өлкәһендә эшегеҙ нимә менән бәйле?
– Минең төп һөнәрем – дизайн. Мәғлүмәт технологиялары өлкәһендә эшләйем һәм төрлө һанлы продукттар проектлайым. Шулар араһында программалар, ҡушымталар, хеҙмәттәр,
платформалар һәм башҡа төрлө мәғлүмәт системалары бар. Күптәр дизайнды тик графика менән бәйле тип уйлай, ысынында дизайнер (проектлаусы),
ғөмүмән, кеше менән компьютер араһындағы аралашыуҙы билдәләй. Һуңынан мин төҙөгән проекттарға таянып, программа эшкәртеүселәр код яҙалар һәм төрлө технологиялар ҡулланып, продуктты ҡулланыусыларға тапшыралар. Мәҫәлән, мин оҙаҡ ҡына ваҡыт фермерҙарға тәғәйенләнгән һанлы платформа өҫтөндә эш алып барғайным. Платформа һәм уның менән бәйле ҡушымталар агрономдарға һәм идарасыларға ауыл хужалығының
һөҙөмтәлелеген арттырырға ярҙам итә. Алдынғы һанлы технологиялар – яһалма интеллект, юлдаштан (спутниктан) төшөрөлгән фотоһүрәттәр һәм башҡа мәғлүмәт уның нигеҙе булып тора.
Ғөмүмән, табыш алыу өсөн мөмкинлектәр хәҙер күп алдынғы технологиялар ярҙамында. “Хеҙмәт етештереүсәнлеген арттырыу” милли проекты нигеҙендә лә, мәҫәлән, ошондай эштәр алып барыла.
– Мин Стәрлетамаҡта тыуып үҫтем. Беҙ Гоголь урамында йәшәнек. 9-сы синыфҡа тиклем 21-се мәктәптә башҡорт класында уҡыным, һуңынан 2-се гимназияға күстем. Стәрлетамаҡҡа бик йыш ҡайтып йөрөмәһәм дә, ҡаланы яҡшы
беләм, яңылыҡтарын күҙәтеп барам. Стәрлетамаҡ эргәһендә урынлашҡан Торатау, Йөрәктауға ғаиләм менән йыш ҡына ял итергә барабыҙ, ике йәшлек улым да тауҙарға барырға ярата.
– Яңы технологиялар өлкәһендә эшегеҙ нимә менән бәйле?
– Минең төп һөнәрем – дизайн. Мәғлүмәт технологиялары өлкәһендә эшләйем һәм төрлө һанлы продукттар проектлайым. Шулар араһында программалар, ҡушымталар, хеҙмәттәр,
платформалар һәм башҡа төрлө мәғлүмәт системалары бар. Күптәр дизайнды тик графика менән бәйле тип уйлай, ысынында дизайнер (проектлаусы),
ғөмүмән, кеше менән компьютер араһындағы аралашыуҙы билдәләй. Һуңынан мин төҙөгән проекттарға таянып, программа эшкәртеүселәр код яҙалар һәм төрлө технологиялар ҡулланып, продуктты ҡулланыусыларға тапшыралар. Мәҫәлән, мин оҙаҡ ҡына ваҡыт фермерҙарға тәғәйенләнгән һанлы платформа өҫтөндә эш алып барғайным. Платформа һәм уның менән бәйле ҡушымталар агрономдарға һәм идарасыларға ауыл хужалығының
һөҙөмтәлелеген арттырырға ярҙам итә. Алдынғы һанлы технологиялар – яһалма интеллект, юлдаштан (спутниктан) төшөрөлгән фотоһүрәттәр һәм башҡа мәғлүмәт уның нигеҙе булып тора.
Ғөмүмән, табыш алыу өсөн мөмкинлектәр хәҙер күп алдынғы технологиялар ярҙамында. “Хеҙмәт етештереүсәнлеген арттырыу” милли проекты нигеҙендә лә, мәҫәлән, ошондай эштәр алып барыла.
