+32 °С
Ясно
Милли проекттар
7 Августа 2020, 04:10
«Сәләмәтлек» милли проекты Бөрө ҡалаһында уңышлы тормошҡа ашырыла
Проект сиктәрендә бер ҡыйыҡ аҫтында балалар һәм өлкәндәр поликлиникаһы төҙөлә. Медицина обьекттары 2020 йылда файҙаланыуға тапшырылыр тип күҙаллана. Ике бина ла Бөрө үҙәк дауаханаһы ҡаршыһында ҡалҡып сығасаҡ. Проекттың уңышлы тормошҡа ашырылыуы тәжрибәле белгестәр яуаплылығында.Төҙөлөш проекты 2019 йылда хуплана һәм дәүләт экспертизаһын үтә. Быйыл 12 майҙан бында төҙөлөш эштәре ҡайнай. Төҙөүселәр билдәләүенсә балалар һәм өлкәндәр поликлиникаһы бер ҡыйыҡ аҫтында буласаҡ.#нацпроект #миллипроект #региональныепроекты #Ашҡаҙар #Стәрлетамаҡ
Поликлиника бинаһының подвал өлөшө күп функциялы буласаҡ. 30-ҙан ашыу бүлмәлә заманса лабораториялар, конференциялар залы һәм келәттәр урынлаштырыласаҡ. Оҙаҡ йылдар эшләгән тәжрибәле белгестәр янына йәштәре лә эшкә алыныр тип көтөлә.
Бөрө үҙәк район дауаханаһы 1917 йылда төҙөлгән бинала урынлашҡан. Әлеге ваҡытта 170 меңдән ашыу кешене хеҙмәтләндерә. Баш табип белдереүенсә, бина яңы санитар талаптарға яуап бирмәй һәм майҙаны лы бәләкәй. Бөрөләге поликлиника беренсел медицина-санитария ярҙамын күрһәтеү системаһын үҫтереү сиктәрендә төҙөлә. Объекттың смета хаҡы 318 миллион һум, был сумманың 70 миллионы быйыл үҙләштерелергә тейештәр.
Бөрө ҡалаһындағы төҙөләсәк поликлиника көнөнә 600 пациентты хеҙмәтләндерәсәк. Бинаның нигеҙе лә ныҡлы ҡоролған. Ер аҫты һыуҙары үтеп инмәһен өсөн гидроизоляцияла эластан ҡулланылған. Заманса лабораториялары, ҡорамалдары булған поликлиниканы файҙаланыу хәүефһеҙ буласаҡ, тип көтөлә.
