Юл әҙер ҙә ул...

Әммә бер ҡыйындың бер рәхәте тигәндәй, юлдарҙы мәшәҡәтһеҙ яңыртып та булмай. Көҙгөләй ялтырап ятҡан тигеҙ юлдарҙан йөрөргә теләһәк, түҙеп торорға тура килә инде.
Атап әйткәндә, “Хәүефһеҙ һәм сифатлы ав-томобиль юлдары” милли проекты сиктәрендә баш-ҡарылған ремонт эштәре әлеге ваҡытта Хоҙайбирҙин, Тыныслыҡ урамдарында ҡайнай, Ҡара диңгеҙ урамында асфальт түшәлеп бөттө лә инде. Кисә ҡала хакимиәте вәкилдәре, ҡала советы депутаттары, Стәр-летамаҡ ҡалаһы профсоюз ойошмаларының биләмә бер-ләшмәһе Координацион советы вәкилдәре менән берлектә башҡарылған эштәрҙе ҡабул итеп алды. Оҙаҡ тикшергәндән һуң етешһеҙлектәр ҙә асыҡланды.

– Ҡайһы бер урындарҙа юл сифаты талаптарға яуап бирмәй, норманан артыҡ ауыш ерҙәре бар, соҡорайып киткән өлөшөнә лә тап булдыҡ. Акт төҙөлдө, подрядсы ойошма етешһеҙлектәрҙе бө-төрөргә тейеш, – тип билдәләп китте тикшереүҙән һуң ҡала хакимиәтенең сәнәғәт, транспорт һәм элемтә бүлеге начальнигы Илдар Усманов.
Телгә алып үткән етеш-һеҙлектәр тиҙ бөтөрөлөр, ҡалған урамдарҙа ла яңы асфальт түшәлеп, сифатлы һәм хәүефһеҙ юлдарҙан ғына елдерербеҙ әле.

Таһир ҒӘЙЕТҠОЛОВ фотоһы.