+30 °С
Болотло
Милли проекттар
24 Ноябрь 2022, 05:25
Йорт һалып ингең килһә…
Билдәле булыуынса, «Төҙөлөш өсөн ер» хеҙмәте 2020 йылдан алып «Торлаҡ һәм ҡала мөхите» милли проекты сиктәрендә тормошҡа ашырыла. Ул төҙөүселәргә йорттар төҙөү өсөн участкалар һайларға ярҙам итеп кенә ҡалмай, ә урындағы власть органдарына ер менән һөҙөмтәле идара итергә һәм төҙөлөш күләмен, шулай уҡ төбәк инвестиция йәлеп итеүсәнлеген арттырырға һәм халыҡ өсөн уңайлы ҡала мөхитен тәьмин итергә ярҙам итә.
Башҡортостанда торлаҡ төҙөлөшө өсөн 13млн квадрат метр яңы ерҙәр билдәләнгән. Ноябрь айында Башҡортостан Республикаһында «Төҙөлөш өсөн ер» проекты сиктәрендә торлаҡ төҙөлөшөнә йәлеп итеү өсөн 165 яңы ер участкаһы һәм дөйөм майҙаны 3,7 млн квадрат метр булған биләмә бүленгән. Участкалар Мәләүез, Ишембай, Сибай, Октябрьский, Өфө һәм Стәрлетамаҡ райондарында урынлашҡан. Билдәләнгән ер участкаларының дөйөм майҙаны 12,8 млн квадрат тәшкил итә.
«Төҙөлөш өсөн ер» Росреестр сервисы ярҙамында Кадастр картаһында төҙөүселәрҙең дә, инвесторҙарҙың да, фатир йәки шәхси йорт төҙөргә теләгән фтзик шәхестәрҙең дә аныҡ бурыстары хәл ителә. Шул уҡ ваҡытта һеҙгә оҡшаған участканы республика биләмәһендә генә түгел, Рәсәйҙең төрлө төбәгендә лә һайларға, шунда уҡ вәкәләтле органға – Башҡортостандың Ер һәм мөлкәт мөнәсәбәттәре министрлығына мөрәжәғәт итергә мөмкин.
Шәхси йорт һалып инергә теләктәре булғандарға йәшел юл асылды.
Римма ҒӘЛИМОВА.
Йорт һалып ингең килһә…
