Балаларға тажлы вирустан вакцинация үткәрәсәктәрме?

Стәрлетамаҡ медицина округы буйынса БР Һаулыҡ һаҡлау министрлығының штаттан тыш баш белгегсе Борис Шәриповҡа Стәрлетамаҡта тажлы вируска бәйле хәл буйынса аҙналыҡ брифинг барышында «Балаларға ҡасан тажлы вируска ҡаршы вакцинация үткәрә башлайҙар?» тигән һорау бирҙеләр.

Уның һүҙҙәренә ҡарағанда, Һаулыҡ һаҡлау министрлығынан фарман булмаған әле. Бынан алдараҡ, Стәрлетамаҡ хакимиәтендә лә балаларға тажлы вирусҡа ҡаршы вакцинация бары тик ата-әсәләрҙең рөхсәте менән генә яһаласаҡ, тип белдергәйнеләр. Һуңғы мәғлүмәттәр буйынса, балалалар өсөн вакцина ҡалабыҙға ғинуар аҙағында да ғына киләсәк. Ә 12-17 йәшлек балаларға вакцинаны бары тик ата-әсәнең яҙма ризалығы буйынса ғына ҡаҙаясаҡтар.