Бөтә яңылыҡтар

«Һинән дә матурыраҡ юҡ...»

Ошондай исем аҫтында Стәрлетамаҡ физик культура, идара итеү һәм сервис колледжында шиғыр бәйгеһе үткәрелде.

Ул әсәйҙәргә һәм Рәсәйҙә “Театр йылы”на арналды. Сара Тыуған илгә, туған телгә һөйөү тәрбиәләү, әҙәбиәткә һәм үҙебеҙҙең яҙыусыларыбыҙға ҡарата ҡыҙыҡһыныу уятыу, тел байлығын үҫтереү маҡсатында уҙғарылды.
Был бәйгелә 1-се курс студенттары ҡатнашты. Ниндәй генә телдә шиғыр һөйләүселәр булманы: башҡорт телендә лә, урыҫ телендә лә, татар телендә лә, инглиз һәм башҡа телдәрҙә лә.
Бәйгелә ҡатнашыусыларға үҙебеҙҙең колледждағы уҡытыусылар баһа бирҙе. Ә еңеүселәр тип әсәләре хаҡында актерҙар һымаҡ матур итеп шиғыр һөйләгән Дарья Крехова, Алина Иззетова, Елизавета Волкова, Алексей Скаридов билдәләнде. Уларға грамоталар һәм бүләктәр ҙә тапшырылды.
Бындай студенттар менән ғорур-ланмау мөмкин түгел.
Н. ПРИВАЛОВА.
Читайте нас в