Стәрлетамаҡ ҡалаһы Жәлил Кейекбаев исемендәге 3-сө гимназияның башланғыс кластар уҡытыусыһы, директор урынбаҫары Зөлфиә Әбүталип ҡыҙы Рәхимованы алтын юбилейы менән ҡайнар ҡотлайбыҙ!

Зөлфиә Әбүталип ҡыҙы ҡалабыҙҙың Жәлил Кейекбаев исемендәге гимназияһында балаларға белем орлоҡтарын сәсә. Гимназия асылған көндән алып ул йәш быуынды тәрбиәләүгә бар көсөн һала. ­Ул – гимназиябыҙҙың йөҙөк ҡашы, коллективта ихтирам яулаған абруйлы уҡытыусы һәм етәксе. Мәғариф өлкәһендәге уңыштары, юғары һөнәри оҫталыҡтары өсөн “Башҡортостан Республикаһының атҡаҙанған уҡытыусыһы” тигән маҡтаулы исемгә лайыҡ була. Беҙгә, коллегаларына, һәр саҡ ярҙам ҡулы һуҙырҙай өлгөлө уҡытыусы, кәңәшсе булһа, тормош иптәшенә ҡәҙерле ҡатын, ике ҡыҙына һөйөклө әсәй, ейәненә яратҡан өләсәй ҙә ул.