Көндөң яҡтылығы – ҡояшта, беҙҙең яҡты көнөбөҙ – һеҙ!

Ҡәҙерлеләрем! Яҙғы ҡояш нурҙары һәм һеҙҙең яғымлы йылмайыуығыҙ менән яҡтыртылған был көндө һәр саҡ түҙемһеҙләнеп көтөп алам. Көндөң яҡтылығы – ҡояшта, күктең матурлығы йондоҙҙарҙа булған һымаҡ, һеҙҙең һәр берегеҙ минең өсөн тормош биҙәге булған гүзәл зат! Тормошоғоҙ шатлыҡ менән тулы булһын! Яҡын кешеләрегеҙ ҡәҙерегеҙҙе белеп йәшәһен. Барлыҡ изге теләктәрегеҙ тормошҡа ашһын. Ғүмер-ғүмергә бәхетле булығыҙ! Оҙон ҡыштан арынған йөрәгемде шулай йылытып, күңелгә йыр булып, һәр саҡ байрам кәйефе бүләк итеп йәшәгеҙ. Рәхмәт һеҙгә һәр ваҡыт яҡты сырайығыҙ, тәмле һүҙҙәрегеҙ менән ҡаршы алғанығыҙ өсөн! Ошо ғәжәйеп гүзәл байрам көнө баҡҡан ҡояштай һәр ваҡыт балҡып йәшәгеҙ!