+2 °С
Болотло
Бөтә яңылыҡтар
10
Республика һулышы
26 Март 2019, 13:49
Хәүефһеҙ һәм сифатлы юлдар кәрәк
Рәсәйҙә “Хәүефһеҙ һәм сифатлы автомобиль юлдары” милли проекты старт алды. Унда Стәрлетамаҡ та ҡатнаша. Ул быйылдан алып 2024 йылға тиклем дауам итәсәк.
Проектта ҡатнашыу юл хәрәкәте хәүефһеҙлеген күтәрергә, автомобиль юлдарының торошон яҡшыртырға ярҙам итәсәк. Проектҡа ярашлы, ҡалаға йыл һайын төбәк һәм федераль ҡаҙнанан аҡса бүленәсәк.
Быйыл Стәрлетамаҡта бүленгән аҡсаға 18,914 километр урындағы автомобиль юлдарын, “Каустик” туҡталышындағы йәйәүлеләрҙең ер аҫты үткәүелен ремонтлау, 26 светофор, 248 юл билдәләре һәм өс фотовидеокамера ҡуйыу, 1940,4 километр юл уртаһына һәм йәйәүлеләр үткәүеленә билдәләр һыҙып сығыу күҙаллана.
Рәсәй субъекты халҡына милли проекттағы маҡсатлы күрһәткестәрҙә сағылдырылған төбәктәге транспорт инфраструктураһының мөһим үҫеш йүнәлешен билдәләргә тәҡдим ителә. Мәҫәлән, ремонтланған юлдар йәки төбәк һәм федераль трассаларҙа машиналарҙың күп булыуын кәметеү; юл хәрәкәте хәүефһеҙлеген арттырыу йәки тармаҡтың технологиялар буйынса үҫеше.
Әйткәндәй, проект эштәрен тауыш биреү юлы менән баһалап була. 15 апрелдә тәүге һөҙөмтә билдәле була ла инде. Тауыш биреү йыл дауамында бер нисә тапҡыр үткәреләсәк. Ул субъекттарҙағы юл эшмәкәрлеге программаһын яҡшыртыу буйынса сараларҙы эшкәртеүгә һәм төбәк проект офистары эшенең әһәмиәтлелегенә булышлыҡ итәсәк.
Тауыш биреүҙә ҡатнашырға теләүселәргә http://bkdrf.ru/reception/polls һылтанма-һына инергә кәрәк.
Ҡала хакимиәтенең сәнәғәт,
транспорт һәм бәйләнеш бүлеге.
Читайте нас:
