Өфө ғалимдары вирусһыҙ картуф орлоғо етештерә

Бындай картуф 4-5 тапҡыр күберәк уңыш бирә, ти белгестәр. Орлоҡто ғалимдар тупраҡта түгел, ә пробиркала үҫтерә. Ҡыҫҡа ваҡыт эсендә вирустарға бирешмәгән картуф бүлбеләре барлыҡҡа килә.

Картуф үҫентеһе өҫтөндә тәжрибә тап ошонда башлана. Лабораторияла стериль шарттар. Бында картуф үҫентеһен бер нисә өлөшкә бүләләр һәм туҡлыҡлы мөхиткә урынлаштыралар. Пробирканы белгестәр икенсе – фитотрон лабораторияһына күсерә. Бында улар өсөн махсус шарттар билдәләнгән. 17 градуслыҡ һауа температураһы һәм тәүлек әйләнәһенә яҡтылыҡ.

Пробиркалағы үҫенте 3 аҙна үҫә һәм яңынан өлөштәргә бүленә. Бындай алымды ғалимдар микроклонлау тип атай. Ул бер ниндәй сирһеҙ, йоғошһоҙландырылған үҫемлек алырға булышлыҡ итә. Бындай картуф ҡәҙимгеһенән оҙағыраҡ та һаҡлана, сөнки сирҙәре юҡ, тип аңлата белгестәр.

Быға тиклем бүлбеләр төрлө райондар питомниктарында һынау үткән. Хәҙер “Рәсәй ауыл хужалығы үҙәге” филиалының Өфө районы Николаевка ауылында үҙ теплицаһы барлыҡҡа килгән. Пробирканан алынған картуф орлоҡтарын эре хужалыҡтар ҙа, баҡсасылар ҙа теләп һатып ала. Оҙаҡламай вирусһыҙ картуфты барыһы ла тәмләй ала. Башҡортостанда махсуслашҡан кибеттәр асылыуы көтөлә.

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.

Баш мөхәррир

Мансуров Рәмил Ғәбдрәшит улы.

Телефон

Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73

Электрон почта

[email protected]

Адресы

453124, РБ, г. Стерлитамак, ул. Комсомольская, 82

Реклама хеҙмәте

(347) 325-18-57

Редакция

(347) 325-18-57

Ҡабул итеү бүлмәһе

(347) 325-18-57

Хеҙмәттәшлек

(347) 325-18-57