Республика данын иһә быйыл «Мираҫ» йыр һәм бейеү фольклор ансамбле яҡлай. Фестиваль ҡунаҡтары өсөн мәҙәни программа ла ҡаралған, улар музейҙар, төбәктең иҫтәлекле урындары буйлап сәйәхәт ҡыласаҡ. "Этно-көн" сиктәрендә сит ил вәкилдәрен башҡорттарҙың йолалары, ғөрөф-ғәҙәттәре, милли уйындар менән таныштырыу ҙа күҙаллана. Шулай уҡ киләһе шишәмбе баш ҡалала балалар йорттары, социаль приюттар тәрбиәләнеүселәре өсөн хәйриә концерты уҙғарыла. Был турала бөгөн сараны ойоштороусылар Өфөлә үткән матбуғат конференцияһында белдерҙе.
Артур Әлибәков, Республика халыҡ ижады үҙәге генераль директоры: «"Берҙәмлек" фестивале Фольклориадаға әҙерлек сиктәрендә үтә һәм Фольклориадаға тиклем был һуңғы "Берҙәмлек". Шуға күрә был сараны беҙ бәләкәй Фольклориада тип атарға булдыҡ. Ошондай күләмле саралар үтмәгән райондарҙы - Благовар һәм Әлшәйҙе һайланыҡ».
"Берҙәмлек" фестивале быйыл ун бишенсе тапҡыр үтә, ошо ваҡыт эсендә ул етмеш илдән өс йөҙҙән ашыу талантлы артисты берләштергән. Быйыл туғыҙ сит ил коллективы Башҡортостан халҡы алдында сығыш яһай. Халыҡ-ара фестивалдә ҡатнашыу бәхете Ҡаҙағстандан "Мурагер" фольклор ансамбленә лә эләккән