Ашҡаҙар
+10 °С
Болотло
Бөтә яңылыҡтар
Республика һулышы
20 Июнь 2019, 01:33

Республикала 2000 йылдарҙан алып халыҡ һаны 68 меңгә кәмегән

Был һан бөгөн Дәүләт Йыйылышы - Ҡоролтайҙа төбәктең демография үҫешенә арналған түңәрәк өҫтәл артындағы һөйләшеүҙә яңғыраны. Халыҡтың кәмеүе төрлө факторға бәйле булыуы билдәләнде. Башҡортостандың Юғары уҡыу йорттарында бюджет урындары кәмеүе мәҫәлән, 88 меңгә яҡын перспективалы абитуриенттың ситкә күсеп китеүенә килтергән.

Йәштәрҙең башҡа төбәктәрҙе һайлауы республика демографияһына кире йоғонто яһай. Шулай уҡ яңы ғаилә ҡороусыларға тейешле ярҙам күрһәтелмәүе, йәшәү һәм эш шарттарына бәйле ҡытыршылыҡтар тыуымды кәметә.
Лиә Иҙрисова, Башҡортостан стратегик тикшеренеүҙәр институты социологы: “Минең уйлауымса, беренсе балаға маткапиталды кире индерергә кәрәк. Дөйөм алғанда, бөтә тыуымды беренсе биш йыл тәшкил итә. Шуға күрә беренсе балаға ҡарата ошондай сараларҙы күрһәтһәк, икенсе һәм өсөнсө бала табыуға ла этәргес булыр”.
Автор: Азат Ғәлиуллин.
Читайте нас: