-5 °С
Болотло
Бөтә яңылыҡтар
Республика һулышы
27 Июнь 2019, 14:32
Башҡортостандың дүрт вәкиле милли көрәш буйынса донъя чемпионы исемен яуланы
Халыҡ-ара ярышта дүрт тиҫтәнән ашыу илдән 230 спортсы бил һынашты. Турнирҙың һайлап алыу этабы Ҡазан ҡалаһындағы Волга буйы спорт академияһы базаһында үтте. Уның һөҙөмтәләре буйынса иң көслөләр финалда сығыш яһау хоҡуғы алды. Хәл иткес алыштар 35 мең самаһы көйәрмән йыйылған Саба районы һабантуйы сиктәрендә ойошторолдо. Донъя чемпиондары шатлығын беҙҙең ижади төркөм дә уртаҡлашты.
Күптән түгел Өфө ҡалаһы хакимиәте призына ойошторолған турнирҙа Мәсетле районынан Айгиз Зәйнетдинов еңеп сыҡҡайны. Еңел автомобиль менән бүләкләнгән башҡорт егете был ярыштың ҙур әҙерлек булыуын билдәләне. Үҙ ауырлыҡ үлсәмендә бер кемгә лә бил бирмәгән яҡшашыбыҙҙы илдең төп командаһы тренерҙары ла иғтибарһыҙ ҡалдырманы. Улар Айгизде Рәсәй данын яҡлау өсөн Татарстанда үтәсәк донъя беренселегенә саҡырҙы.
Алла биргәс донъя күләмендәге ярышта яҡташыбыҙ бирешмәй. Ул Италия, Әҙербайжан һәм Ҡырым вәкилдәре менән көрәшә. Әммә бер спортсы ла Айгизгә ҡаршы тора алмай. Хатта финалдағы дәғүәсе лә 6-0 иҫәбе менән отола. Бындай юғары исемгә лайыҡ булыу өсөн башҡорт егетенә күп көс тир түгергә тура килгән. Уның еңеүгә ынтылышы һәм ихтыяр көсөнә һоҡланабыҙ, ти билдәле ҡумыҙсы Миңлеғәфүр Зәйнетдинов.
Тағы ла бер яҡташыбыҙ Артур Зөлҡәрнәев та үҙ ауырлыҡ үлсәмендә еңеү яуланы. Ҡыйғы районы вәкиленең исеме спорт һөйөүселәргә яҡшы таныш. Ул бер нисә тапҡыр Башҡортостан, Рәсәй һәм донъя чемпионы. Әйткәндәй, Артур ҙа хәҙер халыҡ-ара класлы спорт мастеры. Бындай иғтибар спортсыларға төрлө ташламалар биреүе менән әһәмиәтле, мәҫәлән транспорт һалымынан тулыһынса азат итә.
Донъя беренселегендә үҫмерҙәр ҙә һынатманы. Быйыл тәүге тапҡыр өлкәндәр менән бергә 17-18 йәшлек спортсылар ҙа бил һынашты. Бында инде Башҡортостандан Артур Зарипов менән Ильвар Хисмәтуллин үҙ ауырлыҡ категорияларында алтын миҙал яуланы. Дөйөм команда беренселегендә лә Рәсәй командаһына тиңәләшеүсе булманы. Оло еңеүгә республика вәкилдере лә тос өлөш индерҙе.
Автор: Илдар Байбулатов.
Читайте нас:
© 1990 - 2024 «Ашҡаҙар» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.
Баш мөхәррир
Мансуров Рәмил Ғәбдрәшит улы.
Телефон
Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73
Электрон почта
Адресы
453124, РБ, г. Стерлитамак, ул. Комсомольская, 82
Реклама хеҙмәте
(347) 325-18-57
Редакция
(347) 325-18-57
Ҡабул итеү бүлмәһе
(347) 325-18-57
Хеҙмәттәшлек
(347) 325-18-57