+11 °С
Болотло
Бөтә яңылыҡтар
Республика һулышы
3 Июль 2019, 00:10
Башҡортостанда һөт кухняларының берҙәм селтәрен булдырасаҡтар.
Башҡортостанда һөт кухняларының берҙәм селтәрен булдырасаҡтар. Был турала бөгөн Башҡортостан Хөкүмәтендә үткән оператив кәңәшмәлә Сауҙа буйынса дәүләт комитеты рәйесенең беренсе урынбаҫары Алексей Гусев белдерҙе. 1 июлдән һөт фабрикаһы-кухняһы Стәрлетамаҡта асылды. Хәҙер уның аша Стәрлетамаҡ, Мәләүез, Ишембай райондары, Стәрлетамаҡ һәм Салауат ҡалалары балаларына һөт, эремсек һәм кефир оҙатыласаҡ.
Бының өсөн райондарҙа тауар ебәреү өсөн ете нөктә асылған. Пландар буйынса, оҙаҡламай һөт ризыҡтары Күмертауға һәм Ауырғазы районына ла ташыласаҡ.
31 декабргә тиклем ошондай уҡ етештереүҙе Октябрьский, Сибай, Нефтекама һәм Белоретта асырға йыйыналар. Улар сафҡа ингәс, тәбиғи һөт тауары менән 15,5 мең бала тәьмин ителәсәк. Был – ошо тауарҙарҙы бушлай алырға хоҡуғы булған, алты айҙан өс йәшкә тиклемге балаларҙың 69,2 проценты.
– Ысынбарлыҡта беҙ элек Советтар Союзы заманында булған һөт кухняларын ҡайтарабыҙ. Был бик етди һәм ҙур эш. Тимәк, беҙ бәләкәй балаларҙың һаулығын нығытыу өсөн эшләйбеҙ, – тине Радий Хәбиров.
Был йүнәлештә махсус сайт эшләй, унда тауарға заказ ҡалдырырға һәм уңайлы нөктәнән барып алырға була. Килешеү төҙөгән саҡта баланың мәғлүмәттәре берҙәм базаға индерелә һәм уға үҙенсәлекле номер бирелә. Әйткәндәй, һөт кухняһы тауарҙарын һатып алырға ла мөмкин: яҡын арала был тауарҙарҙы эре сауҙа селтәрҙәренә ҡуясаҡтар.
Автор: Әлфиә МИНҒӘЛИЕВА.
Читайте нас:
© 1990 - 2024 «Ашҡаҙар» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.
Баш мөхәррир
Мансуров Рәмил Ғәбдрәшит улы.
Телефон
Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73
Электрон почта
Адресы
453124, РБ, г. Стерлитамак, ул. Комсомольская, 82
Реклама хеҙмәте
(347) 325-18-57
Редакция
(347) 325-18-57
Ҡабул итеү бүлмәһе
(347) 325-18-57
Хеҙмәттәшлек
(347) 325-18-57