Башҡортостандың иң айыҡ ауылы төҙөкләндереүгә ярты миллион һум аласаҡ

Иң тәүҙә урындарҙа һайлап алыу этабы үтәсәк. 31 августҡа тиклем комиссия ағзалары сәләмәт тормошто пропагандалаусы һәм эскелеккә ҡаршы көрәшеүсе иң әүҙем төбәктәрҙе билдәләйәсәк.

Конкурсҡа йомғаҡ 30 ноябргә тиклем яһала. Сараны ойоштороусылар билдәләүенсә, беренсе урынды яулаусы төбәк 500 мең һум күләмендә грант отасаҡ. Был сумма төбәкте төҙөкләндереүгә йүнәлтелә. Атап үткәндә, урындағы халыҡ финанстарҙы балалар һәм спорт майҙансыҡтары төҙөүгә, юлдарҙы ремонтлауға йәки урамдарҙы яҡтыртыуға тотона ала. Бынан тыш, призлы урын яулаусы башҡа ауылдарҙы ла аҡсалата дәртләндереү ҡаралған.

БСТ Айбулат Сисанбаев