Бөтә яңылыҡтар
Республика һулышы
22 Июль 2019, 14:38

2019 йылда Башҡортостандағы 2200 саҡрым төбәк юлын термопластик менән билдәләйҙәр

2019 йылда Башҡортостандағы 2200 саҡрым төбәк юлын термопластик менән билдәләйҙәрБашҡортостанда быйыл яңы ысул менән 8 800 саҡрым юлды, шул иҫәптән 2200 саҡрым төбәк юлын термопластик менән билдәләйҙәр. Республиканың транспорт буйынса дәүләт комитеты мәғлүмәттәре буйынса, ике мең саҡрым юл эшкәртелгән.

«Хәҙер эштәр Нуриман, Балаҡатай, Ҡыйғы райондарында башҡарыла. Бынан тыш, муниципаль-ара юлдарға буяу менән билдә һалыу эше дауам итә. Бөгөнгө көнгә биш мең саҡрымдан ашыу юл билдәләнгән, ул 80% ашыу тәшкил итә», — тип асыҡлыҡ индерҙеләр ведомствола.
Башҡортостанда төбәк тәғәйенләнешендәге юлдарҙы билдәләүҙе июль аҙағына тиклем тамамлау күҙаллана.
Читайте нас в