+11 °С
Ямғыр
Бөтә яңылыҡтар
Республика һулышы
13 Август 2019, 13:33
Республикаға Дания һыйырҙары килтерелде
Голштин-фриз тоҡомло 500-ләп малды был юлы Саҡмағош районының «Базы» ауыл хужалығы ҡабул итте. Бер баштың хаҡы 160 мең һум самаһы. Шулай ҙа республикала мал һатып алыусыларға дәүләт тарафынан етди иғтибар бүленә. Тотонолған сығымдарҙың яртыһы тиерлек субсидия менән ҡапланасаҡ.
Данис Шәрифуллин Дания иленән алып ҡайтылған һыйырҙарҙы урынлаштырыу өсөн яуаплы. Башҡорт дәүләт аграр университетын тамамлап килгән белгес әлеге яңы комплекстың етәксеһе итеп тәғәйенләнгән. Төбәктең иң эре хужалыҡтарының береһендә ярты йыл самаһы ғына эшләүгә ҡарамаҫтан эш тәртибен яҡшы белә.
Шуға ла, әллә нисәмә саҡрым юл үтеп киләсәк малға йәшел бесән әҙерләнгән. Кипкәне һалына. Сөнки һуты һурыҡмаған аҙыҡ малдың эсенә тейеүе бар.
Сит илдән килтерелгән малдар тап ошо комплекста аҫраласаҡ. Улар өсөн бында шарттар ҙа тыуҙырылған. Йәшел, кипкән бесәндән тыш, ятҡан урынына һалам түшәлгән. Шулай уҡ уртаса һауа температураһын тотоу өсөн елләтеү ҡоролмаларын ҡуйылған.
Бер-нисә тәүлек юлдан һуң, тоҡомло малдар тәғәйен урынға ла килтерелде. Меңдәрсә саҡрым үтһәләр ҙә улар теремек. Оҙатыусы машинанан төшөү менән ҡайһылары уйнаҡларға, ҡайһылары ашарға тотондо. Малдар нисек кенә йылғыр булмаһын, улар барыбер 30 көнгә карантинға ябыла. Ҡануниәт шулай ҡуша.
Килтерелгән һәр баш малдың документы ҡарала. Тәү сиратта ветеринар справкаһы булыуы шарт. Уның аша һыйырға ниндәй вакцина эшләнеүе билдәләнә.
Саҡмағош районы хужалығы 406 баш малды урынлаштырҙы. Август аҙағында тағы ла биш йөҙ һыйырҙың килеүе көтөлә. Улар өсөн дә яңы комплекс әҙерләнгән. Әйткәндәй, сит илдән һөтлө малдар шулай уҡ Әбйәлил районына ла алынасаҡ.
Мәҡәлә https://bash.news сайтынан алынды.
Читайте нас:
© 1990 - 2024 «Ашҡаҙар» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.
Баш мөхәррир
Мансуров Рәмил Ғәбдрәшит улы.
Телефон
Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73
Электрон почта
Адресы
453124, РБ, г. Стерлитамак, ул. Комсомольская, 82
Реклама хеҙмәте
(347) 325-18-57
Редакция
(347) 325-18-57
Ҡабул итеү бүлмәһе
(347) 325-18-57
Хеҙмәттәшлек
(347) 325-18-57