Бөтә яңылыҡтар
Республика һулышы
14 Ноябрь 2019, 12:40

Башҡортостан һәм Татарстан депутаттары хеҙмәттәшлек итергә килеште

Бөгөн Өфөгә Татарстан Дәүләт Советы делегацияһы килде. Уны күрше республика парламенты рәйесе Фәрит Мөхәмәтшин етәкләй.

Дәүләт Йыйылышы – Ҡоролтайҙа ике делегация осрашыуы уҙҙы. Башҡортостан парламенты рәйесе Константин Толкачев ҡануниәт өлкәһендә бергәләп эшләүҙе айырым билдәләп үтте.
Осрашыуҙа ике республика парламенты араһында хеҙмәттәшлек итеү тураһында меморандумға ҡул ҡуйылды. Татарстан Дәүләт Советы рәйесе Фәрит Мөхәмәтшин был килешеүҙең мөһимлегенә баҫым яһаны.
Башҡортостан һәм Татарстан парламенттары араһында хеҙмәттәшлек тураһында тәүге килешеүгә 1997 йылда ҡул ҡуйыла.
БСТ.
Читайте нас в