«Ҡатын-ҡыҙ — милләт әсәһе» республика конкурсының финалына әҙерлек бара

4 мартта Өфөлә, «Торатау» конгресс-холында IV «Ҡатын-ҡыҙ — милләт әсәһе» республика конкурсының финалы була.

Конкурста республика райондарынан һәм ҡалаларынан, шулай уҡ башҡорттар йәшәгән Рәсәй төбәктәренән һәм Бойондороҡһоҙ Дәүләттәр Берләшмәһе илдәренән йәмәғәтселәр, әүҙемселәр һәм үҙ эшенең оҫталары булған ҡатын-ҡыҙҙар ҡатнаша.

«Быйыл конкурсҡа 500 ғариза килде, уҙған йылда улар 300-гә яҡын ине. Конкурстың географияһы йылдан-йыл киңәйә, республиканың райондары уға әүҙем ҡушыла. Номинанттар араһында уҡытыусылар, оло быуын ҡатын-ҡыҙҙары күп», — тип хәбәр итте проект авторы, Башҡорт ҡатын-ҡыҙҙары йәмғиәте рәйесе Гөлнур Ҡолһарина.

Конкурста 10 номинация: «Ҡатын-ҡыҙ — әсә», «Ҡатын-ҡыҙ – лидер», «Ҡатын-ҡыҙ — ғалимә», «Ҡатын-ҡыҙ — уҡытыусы», «Ҡатын-ҡыҙ — бизнес-леди», «Ҡатын-ҡыҙ — һөнәр оҫтаһы», «Ҡатын-ҡыҙ — йыл өлгөһө», «Өлкән йәштәге әүҙем йәмәғәт эшмәкәре», «Иң йәш йәмәғәт эшмәкәре», «Мәҙәниәттә ҡатын-ҡыҙ».

Ғәҙәттәгесә, конкурс ике этапта уҙғарыла – муниципаль һәм республика. Халыҡ-ара ҡатын-ҡыҙҙар көнөнә арналған финалда 10 номинацияның һәр береһендә бер нисә еңеүсе билдәләнә.

Еңеүселәр конкурстың төп наградаһы – Рәбиға Ҡушаева исемендәге «Ҡатын-ҡыҙ – милләт әсәһе» миҙалы һәм бағыусыларҙан приздар менән бүләкләнә.

Конкурсты «Берҙәм Рәсәй» партияһы булышлығында Башҡорт ҡатын-ҡыҙҙары йәмғиәте үткәрә. Быйыл конкурс республика башлығы грантына ойошторола.

Башинформ.

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.

Баш мөхәррир

Мансуров Рәмил Ғәбдрәшит улы.

Телефон

Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73

Электрон почта

[email protected]

Адресы

453124, РБ, г. Стерлитамак, ул. Комсомольская, 82

Реклама хеҙмәте

(347) 325-18-57

Редакция

(347) 325-18-57

Ҡабул итеү бүлмәһе

(347) 325-18-57

Хеҙмәттәшлек

(347) 325-18-57