Ашҡаҙар
-24 °С
Ясна
Бөтә яңылыҡтар
Республика һулышы
19 Март 2020, 12:45

Башҡорт ҡоролтайы милли кейемгә арналған флешмоб иғлан итте

Бөтә донъя башҡорттары ҡоролтайы социаль селтәрҙәрҙә башҡорт кейеме флешмобының башланыуын иғлан итте.

Ҡатнашыу өсөн башҡорт милли кейемендә төшкән фотоһүрәтте #Ҡоролтаймилликейем хештегтары менән Фейсбук, Бәйләнештә йәки Инстаграм социаль селтәрҙәренә һалырға кәрәк. Кейем ҡайһы ырыу башҡорттарыныҡы, ҡайһы төбәккә хас биҙәктәр менән биҙәлгән — ошо мәғлүмәтте лә күрһәтеү мотлаҡ.
«Халҡыбыҙҙың күңел йәүһәре — милли кейемебеҙҙе донъяға таныт! Милли кейем — милли төҫ, милли сифатты сағылдырған бер билдә генә түгел, ә халыҡтың оло тарихын, ижади ҡеүәһен күрһәткән дәлил. Һәр төбәктең үҙенә генә хас ҡабатланмаҫ биҙәктәре бар. Халҡыбыҙҙың рухи хазинаһын, ата-бабалар ҡомартҡыһын бар донъяға танытайыҡ. Флешмобҡа ҡушылығыҙ!», — тип хәбәр итте проектты ойоштороусылар.
Башинформ.
Читайте нас в