Өфөлә Болгарияның почетлы консуллығы асыла

Ҡарар 3 июндә республика хөкүмәте ултырышында ҡабул ителде. Вәкиллекте Рәсәй гражданы Ярослав Шредер етәкләй.

«Уның шәхси секторҙа етәксе урындарҙа эш тәжрибәһе ҙур. Хәҙерге ваҡыттта ул — граждандар төҙөлөшө өлкәһендә махсуслашҡан «СП «Уфа» предприятиеһының генераль директоры. Уның йәмәғәт эшмәкәрлеге Болгария менән бәйле: ул Өфөләге болгар йәмғиәте менән әүҙем хеҙмәттәшлек итә һәм мәҙәни саралар ойоштора. 2009 йылдан «Башҡортостан һәм Болгария халыҡтары дуҫлығы» төбәк йәмәғәт ойошмаһының рәйесе булып тора», — тип хәбәр иттеләр ТАСС агентлығына хөкүмәттең матбуғат хеҙмәтенән..

Өфөлә Болгарияның почетлы консуллығын асыуҙың маҡсаты — Рәсәй менән мөнәсәбәттәрҙе үҫтереү, сауҙа-иҡтисади мөнәсәбәттәрҙе әүҙемләштереү һәм башҡа өлкәләрҙәге хеҙмәттәшлекте киңәйтеү.

Башинформ.