+30 °С
Болотло
Республика һулышы
13 Ғинуар 2021, 15:30
Һәҙиә Дәүләтшина исемендәге Дәүләт премияһына дәғүә итеүгә эштәр ҡабул ителә
Башҡортостан Республикаһы Башлығы ҡарамағындағы комиссия балалар һәм үҫмерҙәр өсөн әҙәбиәт һәм сәнғәт өлкәһендә Һәҙиә Дәүләтшина исемендәге Башҡортостан Республикаһы Дәүләт премияһына дәғүә итеүгә эштәр ҡабул итеү тураһында иғлан итте. Эштәрҙе 2021 йылдың 11 февраленә тиклем тапшырырға мөмкин. Конкурс эштәре ҡабул итеү ваҡытына тиклем кәмендә бер йыл элек айырым китап итеп сығарылған, ваҡытлы матбуғатта баҫылған йәки башҡа ысул менән нәшер ителгән әҙәбиәт һәм сәнғәт әҫәрҙәре булырға тейеш.
Документтар түбәндәге адрес буйынса ҡабул ителә: Өфө ҡалаһы, Революция урамы, 18, Башҡортостан Республикаһының Мәҙәниәт министрлығы, 23-сө бүлмә. Белешмәләр өсөн телефон: 280-87-75. Әҙәбиәт һәм сәнғәт өлкәһендә Һәҙиә Дәүләтшина исемендәге дәүләт премияһы 2005 йылдың 1 сентябрендә балалар һәм үҫмерҙәр өсөн әҙәбиәт һәм сәнғәтте артабан үҫтереү, үҫеп килеүсе быуынды рухи-әхлаҡи һәм илһөйәрлек рухында тәрбиәләүҙе көсәйтеү, шулай уҡ Башҡортостандың күренекле яҙыусыһы исемен мәңгеләштереү маҡсатында булдырыла. Премия ике йылға бер тапҡыр тапшырыла. Төрлө йылдарҙа уға яҙыусылар Гөлфиә Иҙелбаева, Факил Мырҙаҡаев, Кәтибә Кинйәбулатова, Сафуан Әлибаев, Гүзәл Ситдиҡова, Әсхәл Әхмәтҡужин, Гөлнур Яҡупова лайыҡ булды.
Фото Башинформ.
