+24 °С
Болотло
Республика һулышы
29 Март 2021, 06:45
100 башҡорт халыҡ йырына патент бирелде
Башҡортостан Республикаһы 100 башҡорт йыры тупланған йыйынтыҡҡа патент алды. Улар араһында төрлө жанрҙағы йырҙар – «оҙон көй», «һалмаҡ көй», «ҡыҫҡа көй» бар. Исемлектә – «Урал», «Буранбай», «Зөлхизә», «Ҡаһым түрә», «Салауат», «Гөлнәзирә» һәм башҡалар.
«Башинформ»ға Республика халыҡ ижады үҙәгенән хәбәр итеүҙәренсә, Роспатенттың мәғлүмәттәр базаһына һәр композиция тураһында мәғлүмәттәр: йырҙың тарихы, ноталар һәм текст индерелгән. Тыңлау өсөн тура һылтанма ла бар. Патент алған йырҙарҙың тулы исемлеге Республика халыҡ ижады үҙәге сайтына урынлаштырыла.
Хәтерегеҙгә төшөрәбеҙ, 2018 йылда ҡурай Башҡортостандың территориаль бренды булараҡ теркәлде. 2020 йылда Башҡортостан Республикаһының матди булмаған мәҙәни мираҫ тураһында законы ҡабул ителде.
Башинформ.
